لعبة ‏MINECRAFT‏ | ماين كرافت.‏

2

السلام عليكم ..

مساء\صباح الألعاب..

اليوم حبيت أتكلم عن لعبة مُنتشرة بشكل واسع و كبير بين ” الأطفال و المراهقين و حتى الشباب “

اللعبة هي ماين كرافت, بالنسبة لي فهي لعبة بكسليه ثلاثية الابعاد

الي فهمته انها تقدر تبني بنائات طول الوقت و لكن قبل لا يحل الليل لازم تبني لك بيت تحتمي من الوحوش

وهم ” زومبي و السكيلتون و السبايدر والاندرمان و الكريبر “

(الاندرمان هذا ولد أختي هادي جابلي صداع لدرجة صار فترة بس خايف و يقول بيجيلي اندرمان و يقول لامه لا تسوي كذا بعدين يطلع لك اندرمان و طبعاً ما كنت عارفه ويش يعني اندرمان لحد ما عرفة ويش السخافة الي يلعبوها)

طبعاً مطورها هو شخص سويدي أعتقد أنه أسمه ماركوس > شيء زي كذا 🙂
في أربع أنواع للعب و منها  ” Survival , Creative , Hardcore , Adventure “ كل نوع مختص لفئة معينة

×××

صور من اللعبة…

مختار لي أخوي أفضل الصور عشان يقول يشوفون جمال اللعبة < مالت قال جمال ما بها جمال.

3

5

6 

×××

رائي و أنطباعي الشخصي عن اللعبة..

تقييمي لها “1|10” ما تستحق حتى الواحد..

هذي اللعبة أنا أعتبرها من أسخف الألعاب و أبيخها و أتفهها

لانها لا منطقية لا أخلاقية لا تعليمية , ما فيها أي شيء يثبتلي أنه الشخص الي يلعبها يستفيد منها

ما أقول كل الألعاب لازم نلعبهم و نستفيد منهم لكن مو بهذي الدرجة

بعض الالعاب نلعبها فقط للمتعه لكن هذي اللعبة ما فيها أي متعه

بالعكس تخليك تتوتر و تدوخ و تجيب الصداع .

و لاحظة انه في اطفال كثير يلعبوها و منهم أولاد خواتي و بعدها يعتقدو انه الي في اللعبة بيطلعو لهم

أو في العابهم تشوفهم يقولو الحين بيطلع لنا زومبي او زي الاعتقاد الاول الى ولد اختي هادي

انه الاندرمان راح يطلع لهم في البيت و انهم لازم يواجهوه

هذي اللعبة بالنسبة لي دمار شامل للعقول و للمنطق .

×××

أم بالنسبة للكارثة لم شفت قبل شهور بنت أختي و ولد أختي ” كميل و فاطمة ” شاريين لهم العاب ماين كرافت

4

و الكارثة الأكبر لم يوم الثلاثاء جاو و ماسكين معهم كُتب تعليمات للعبة ماين كرافت…

1

بعد ما تصفحة الكتابين و ما شفت أي جديد أو أي معلومة مُثيرة و ما يعرفوها

سالت فاطمة بنت أختي و قلت لها ” شنو المعلومة الي ما كنتي تعرفيها و شفتيها في هذا الكتاب ؟!”

قالت لي بكل برود ” ما فيه شيء ما اعرفه كل الي في الكتاب أعرفها سابقاً “

قلت لها و أنا متعجبها ” عجل ليش شريتيه ؟ “

قالت لي ” عشانه للعبة ماين كرافت عشان كذا شريته “

سالتها مباشرتاً ” بكم شريتيه !! “

قالت لي ” بـ 39 ريال “

قلت لها ” شريتي هذا الكتاب بـ 39 ريال و في النهاية بلا فايدة ليش شريتيه من الأساس

في أشيء ثانية تستحق أنك تدفعي فيها أكثر من ذه الكتاب الي بلا فايدة,

مو أنتِ قايلة تبين كتاب لتعليم الرسم ليش ما شريتي لك في فجرير و أرخص من ذه الكتاب عديم الفايدة الي شريتيه

أنتي و أخوك قلت لها كان ضفتي 30 ريال ثانية و اشتريتي لك الكأس الي كنتي تبينه من جرير و لا هذا الكتاب أعمى عيونك.. أبي بس أفهم ويش الفايدة منه!! “

أنا ما هزاتها على لفلوس الي دفعتها لانه 39 ريال مو شيء كبير و لا هو مبلغ يستحق اني اهزائها عليه

لكن الشيء الي اشترته ما يستحق ادفع عليه و لا ريال حتى !!

أنا ما أعتب بس على البنت أعتب كمان على أختي و أبوهم الي ما قالو لهم لا ما ينفع أشترو لكم شيء ثاني أفضل

يعني من جد تصفحة الكتاب و لا معلومة شفتها مميزة تستحق أدفع في الكتاب و اشتريه .

×××

في النهاية حبيت أوضح أنه هذا مجرد رائيي الشخصي

ما لي علاقة في الي يلعبوها و ممكن يهاجمني البعض من محبين اللعبة

لكن أنا أوضح شيء خاطئ شفته من أشخاص يلعبوها عندي

حبيت كمان أقول شكراً لأخوي الصغير علي

على المعلومات جميع المعلومات السابقة و الي هي أسماء الوحوش و انواع اللعب و الصور  أخذتها منه .

على فكرة عندي مدمنين في البيت على ذي اللعبة و هم ” علي أخوي و علاء ولد أختي طبعاً غير المهبولين فاطمة و كميل و هادي بالأضافة إلى عمار و نبراس “

في أمان الله, أستودعكم الله الذي لا تضيع ودائعه..

Advertisements

5 تعليقات على “لعبة ‏MINECRAFT‏ | ماين كرافت.‏

  1. او ام جي !! هدول جددد مدمنين ، حبيت رسوم اللعبه متل الليقو ههههههه 😂😂😂✌ المهم صابني فضول اللعبها ، 😀😳 و احسكك مقهوووووره كوووومات من اللعبه 😂😂
    بس جد عندك جيش من مدمنين اللعبه ،😳😳😵 و اختك برودهاااا قااااتل 😡😡
    المهم فاااايتينغ و متل ما قلتي بالنهايه هاد رأيكك الشخصي و انا كمان اوافقكك فيه مبدأياً
    سولاميووو 😘✋👐

  2. جد و الله اسخف لعبه شفتها و عرفتها لحد الان
    شفت اختي محملتها على ايبادها و على ايفونها وقلت بلعبها واشوف وش فيها
    ضيعت ساعه كامله وم فهمت وش المغزى منها بس اكسر و اجمع مدري وش
    صدق اللي سوء اللعبه مال امه داعي يوم كان ناوي ينزل لعبه
    شغل عقله شويه وجاب شيء احلى منها

    • هو ما عنده سالفة ما عنده سالفة
      يعني لعبة فيها كمية سخافة مو طبيعية
      لو يبي يسوي لعبة تعمير مباني و هيك أشيء
      كان سو شيء غير و بطريقة أجمل و رسم أفضل
      لكن هذي لا رسم و لا فايدة و لا شيء

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s